Goeie more, en welkom by vanoggend se diens op Moedersdag. Soos vorige kere, as julle nie genoeg data het vir die video weergawe nie, onderaan kan julle die audio-only weergawe vind.
Online Diens 3 Mei
Vandag se diens bied ons weer ‘n video preek, asook lofprysing saam met Barend Deysel. Onderaan kan julle audio-alleen weergawes vind wat minder data sal gebruik.
Tema: Wees Daar vir Mekaar
Net Klank (minder data gebruik)
Online Diens 26 April
More aan julle almal. Sit gerus terug en luister na vandag se diens, via audio opname.
Bybelvasvrae: Moregloed vs Winburg
Ons gaan ‘n Bybelvasvra hou waar Moregloed gemeente met Winburg kompeteer.
- Gemeentelede kry 2 weke om 1 Samuel te bestudeer.
- Barend Deysel stel toets op van 50 punte wat aan die leraar van elke gemeente gewhatsapp word op 4 Mei.
- Ds versprei toets aan gemeentelede.
- Elke gemeentelid wat deelneem, kry sy eie memo op 5 Mei en merk self. Gemerkte antwoordstelle word afgeneem en aan u betrokke ds gestuur per whatsapp.
- Elke ds stuur sy gemeente se wenner se antwoordstel op Donderdag 7 Mei aan Barend Deysel per whatsapp en albei dominees word dieselfde dag van wenners ingelig.
- Die verloor gemeente se ds stuur video aan Barend Deysel op Saterdag 9 Mei sodat boodskap op Sondag 10 Mei versprei kan word.
- Hierdie inisiatief word geloods sodat ons as kinders van die Here intensiewe Bybelstudie gedurende hierdie tydperk van lockdown kan doen. Wenner van elke gemeente kry n pak chomps.
Ds Willie:
Soos julle weet is ons gemeente in ‘n kompetisie met NG Gemeente Winburg. Ons gaan ‘n Bybelvasvra hou op die 4de Mei en daarom my boodskap aan julle.
Die doel van die boodskap is om julle uit te nooi om saam met ons deel te neem aan die Bybelvasvra. Ek is diep in my hart oortuig as ons as gemeente saam kan werk ons die NG Gemeente Winburg ore sal kan aansit. Ek is bereid om tyd in te sit en saam met julle hierdie vasvrae te doen.
Maar het elkeen se hulp nodig.
Kom ons gaan vir die volgende 2 weke en lees en werk deur 1 Samuel. Gaan lees en maak notas oordink die teks, sodat wanneer ons die vasvrae ontvang ons maklik die antwoorde sal kan invul. Kom ons as gemeente van Môregloed wys wat ons kan doen deur NG Winburg te wen.
Ek hoop julle is in saam met my.
Kom ons gebruik die tyd ook om ons kennis oor die woord van die Here te te laat groei. Pa, Ma en kinders hier is ‘n goeie geleentheid om saam Bybel te lees en saam geestelik verryk te word.
Kom ons gaan groot en Kom ons gaan wen.
Groete
Ds. Willie
Online Diens 19 April
Goeie more! Met die lockdown wat aanhou vir nog ten minste twee weke, sal ons aanhou om online en via Whatsapp die dienste vir julle deur te gee.
Sit terug, en luister na Ds Willie Korb se preek vanoggend.
Ons herinner net weer, indien u ‘n bydrae kan gee vir kollekte of u maandbydrae, kan dit per EFT gedoen word (ABSA 1430 1616 24), of ‘n koevert kan in die posbus gegooi word by Ilse.
Ons gemeente het steeds finansiële verpligtinge wat nagekom moet word en ons inkomste het baie gedaal, so ons vra dat u ons asseblief daarmee help indien dit vir u moontlik is.
Online Diens – Paas Sondag 2020
Vandag vier ons die opstanding van Jesus!
- Prediker: Ds Willie Korb
- Tema: God se bewys van Sy liefde
- Skriflesing: Johannes 13:1
Online Diens – Goeie Vrydag 2020
Vandag vier ons Goeie Vrydag. Luister gerus saam na die nagmaal diens voorberei deur Ds Willie.
Die eerste snit is die instelling van die nagmaal. U kan dit gerus saam vier in U huise met ‘n stukkie brood en druiwesap (of iets wat amper dieselfde is).
Hieronder volg die preek vir vandag.
Online Diens – 5 April 2020
Kry die familie bymekaar, sit terug, en luister na hierdie week se diens, met Ds Stanley Strydom.
- Prediker: Ds Stanley Strydom
- Tema: Aan die stuur
- Skriflesing: Handelinge 1: 12 – 26
Tydens die preek maak Ds Stanley verwysings na liedjies wat jy na kan luister. Hier is die links vir daardie liedjies:
Online Diens – 29 Maart
‘n Goeie more aan julle tydens hierdie nuwe tye van landswye ‘lockdown’. Maar as ons volhard, sal ons ook deur hierdie situasie kom. Ek hoop julle vind ook hierdie Sondag iets om saam met julle te vat deur hierdie week.
Soos laas Sondag is die diens beskikbaar om te luister of lees op verskeie platforms. Sit gerus terug en luister die diens saam met jou familie.
- Prediker: Ds Stanley Strydom
- Tema: Jou gee is jou neem, jou neem is jou gee.
- Skriflesing: Handelinge 5: 1 – 11
Tydens die preek maak Ds Stanley verwysings na liedjies wat jy na kan luister. Hier is die links vir daardie liedjies:
- Lance James – Dankie: https://www.youtube.com/watch?v=v_6sOaDOXIE
- Retief Burger – Leeu van Juda: https://www.youtube.com/watch?v=SnF8BBH0iIY
- Verskeie kunstenaars – Die Onse Vader: https://www.youtube.com/watch?v=XWkLSu8zis0
- Ray Boltz – Thank you: https://www.youtube.com/watch?v=1lVzeS5i8WQ
Online Diens – 22 Maart
Goeie More. Soos U weet het ons besluit om die normale kerk dienste vir eers af te stel (tot paasnaweek) om die sprei van die COVID-19 virus te help bekamp. Wat ons in plaas daarvan doen is om ‘n opname van die dienste maak en dit op die internet te plaas sodat U en U familie steeds saam die diens kan luister.
Hierdie is die eerste diens wat ons so gaan probeer, laat ons gerus weet via die Whatsapp groep of andersins as U enige voorstelle het hoe ons dit kan verbeter.
Die diens is ook gelink op die kerk se Whatsapp groep.
- Prediker: Ds Stanley Strydom
- Tema: ‘n Nuwe rat, die uitende van die Lydenstyd
- Skriflesing: Handelinge 2: 1 – 13